Ata os 8,87 m chegaba o caudal do río Sil ao seu paso polo Barco ás 21h, o que supuxo que nese momento entrase en nivel laranxa por risco de debordamento, segundo os datos da Confederación Hidrográfica do Miño-Sil. A esa hora baixaba un caudal de 798,33 m3/s e segue chovendo.
Segundo os últimos publicados pola CHMS, tomados ás 22h., o río Sil está en nivel laranxa nas dúas alturas que se toman como referencia por parte deste organismo: nun dese puntos chega aos 3,49 m e no outro, o máis alto, mantén os xa citados 8,87 m e o caudal continúa en 798,33 m3/s.
Foto: A.R.
