Dende Celeiros (Chandrexa de Queixa) saían os arredor de 300 participantes no XII Chandrexa Trail, que se celebraba na mañá deste domingo 23 de xuño. Os primeiros en iniciar a proba eran os participantes no trail de 35 km, ás nove. Pouco despois partían dende ese mesmo puntos os andaríns, cun traxecto de 18 km, e finalmente, ás 10h. comezaban a competición os deportistas do trail de 18 km.
Os primeiros en completar o trail longo eran Emérito Fernández (Escolas Deportivas de Lourenzá), cun tempo de 04:06:05, seguido de Marcos Pascual (Castro Trail) e de José Manuel Gil (A.C. Castelos Trail Club). En categoría feminina as tres primeiras en cruz a liña de meta eran, por esta orde, Sandra Fernández (Club de Montaña Terras de Burán), Cristina Rodríguez (Running Sport Trail) e Raquel Correia (PC Runners).
No referente á distancia de 18 km, o mellor resultado absoluto obtíñao o valdeorrés Alejo Ares, cun rexistro de 01:38:19, seguido de Eloy Martínez (AC Castelos Trail Club) e de Javier Janeiro (Korpore Arenteiro Trail). En absoluto feminino a vencedora era Rosa Araújo (Running Sport Trail), en segundo lugar quedaba Tamara García (GTR-Galaico Trail Run) e no terceiro Carolina Nião (Club Corredoiras Bueu).
A organización do trail contaba coa colaboración das agrupacións de voluntarios de Protección Civil de Manzaneda, Parada de Sil, Trives e Chandrexa de Queixa.
Fotos e vídeos cedidos.
