Entre os participantes na charla-coloquio “El tiempo del wólfram: la vida en las minas de Valborraz”, que se celebrará este martes 11 de agosto ás 19:30h. na Casa del Pueblo de Sigüeya (Benuza-León) estará o historiador e xornalista valdeorrés Christian Barrio.
Este investigador falará sobre “Valborraz, un poboado mineiro perdido no seu apoxeo” e estará acompañado polo escritor Santiago Macías e polo enxeñeiro de minas e estudoso Roberto Matías. O acto será presentado por Antonia López, quen foi traballadora do lavadeiro destas minas de volframio situadas en Casaio (Carballeda de Valdeorras).
