Xunto ao pavillón polideportivo de Manzaneda concluía o desfile de fulións que se celebraba neste Martes de Entroido en Manzaneda. Calaban os bombos, sachos, gadañas, cornas e gaitas para dar paso a un xantar popular que congregaba neste polideportivo a un milleiro de persoas. O menú incluía sopa, cocido (con garavanzos, lacón, chourizos, orella e pata), acompañados de viños da D.O. Ribeira Sacra e, tendo como sobremesa, bica. O menú era servido por Mantesil.
Fotos: A.R.
