No marco das accións de saúde comunitaria da Área Sanitaria de Ourense, Verín e O Barco, e dentro do proxecto “Escola de Coidadores”, impartíase na tarde do 13 de marzo un obradoiro no Centro de Saúde da Pobra de Trives. No seu decurso abordábanse cuestións como “alimentación saudable”, “somos un equipo” e “hixiene buco-dental”.
Esta acción formativa era impartida por Susana Fernández e Laura Anta (ambas enfermeiras do Equipo de Soporte de Atención Domiciliaria, ESAD) e pola hixienista dental , Yolanda Fernández.
Ademais, estas profesionais impartirán un novo obradoiro en Trives o 20 de marzo, ás 16:30h., no que tratarán temas como os coidados da pel e úlceras por presión (UPP), consellos para a mobilización e dispositivos de axuda.
Os dous obradoiros están deseñados para abordar temas considerados fundamentais e de gran importancia para a atención de persoas dependentes e resultarán de gran utilidade para os coiadores, proporcionando formación e recursos que mellorarán a calidade do coidado que ofrecen, din as relatoras.
Fotos cedidas.