Case vinte actividades de saúde comunitaria están programadas ao longo desta semana en diferentes colexios da Área Sanitaria de Ourense, Verín e O Barco. No caso de Valdeorras son un total de tres os obradoiros. Dous deles serán impartidos en Valdeorras pola hixienista Yolanda Fernández, co relatorio “Mira que boca” os días 9 e 12 de abril nos CEIP Julio Gurriarán e Condesa de Fenosa do Barco, respectivamente.
Ademais, para o 12 de abril está previsto o obradoiro “Garavanciño come saniño”, de nutrición, no CEIP Bibei de Viana do Bolo, a cargo de Jesús Carbayo.
Tamén no oriente ourensán desenvolvíanse os obradoiros “Matilda no cole” (de primeiros auxilios, en dúas sesións) no CEIP Virxe dos Remedios de Castro Caldelas neste 8 de abril e, nese mesmo centro, “Revolución Teenager” (de educación afectivo sexual), da man da enfermeira Lucía Bruquet.