Ao longo desta semana, dende mañá 21 de xaneiro ata o venres 24 de xaneiro, desenvolveranse 8 novas actividades de saúde comunitaria na Área Sanitaria de Ourense, Verín e O Barco.
Os obradoiros están organizados polos servizos de atención primaria de Coles, o Barco, A Ponte, Ribadavia e A Cuña.
Do conxunto de actividades, 3 obradoiros corresponden a saúde escolar orientados para os nenos e nenas dos centros educativos da provincia e outras 5 ás chamadas “Escolas de Saúde” destinadas a toda a poboación.
No caso do Centro de Saúde do Barco o día 22 de xaneiro están previstos dous obradoiros. Un deles é sobre “Saúde infantil, método BLW” e o outro, dirixido a pais e nais, é sobre primeiros auxilios en lactantes.
