A Sociedade Galega de Pastos e Forraxes celebra os vindeiros 23 e 24 de outubro a súa décima reunión de outono, un encontro formativo que se centrará na recuperación do territorio co pastoreo e a gandería extensiva.
O Salón de Actos da Escola Politécnica de Lugo acollerá a actividade, na que se presentarán unha ducia de experiencias de gandería extensiva en distintos puntos de Galicia e se contrastarán con proxectos doutros puntos do Estado como a Escola de Pastors i Pastores de Cataluña.
Ao longo da xornada, avaliaranse tamén as posibilidades que a gandería extensiva abre para o relevo xeneracional nas ganderías, o papel dos concellos no dinamismo rural ou da Escola Politecnica como vía de entrada ao sector agrogandeiro.
O deputado provincial de Lugo de Rural Daniel García destacou a “a oportunidade de formación e intercambio de coñecementos entre gandeiros e gandeiras que supoñen estes encontro da Sociedade Galega de Pastos e Forraxes, nesta ocasión arredor dun modelo produtivo que apoiamos de forma transversal desde a área de Rural com distintos programas e liñas de axuda”.
Programa
Xoves 23 outubro
11.00 horas.Benvida ás xornadas
11.30 horas. Apertura das xornadas
11.45 horas. Proxección dun vídeo conmemorativos
12.00 horas. Presentación de experiencias inspiradoras de gandería extensiva: Javier Fernández Gómez, Ovidio Queiruga, CMVMC de Meira (Moaña), Javier Cotado, Álex Varela e Yolanda Pacín, Granxa Teixeiro e Pistón, Marcos Fernández Guerra, Uxía Salvatierra, Granxas de Lousada SC, Mariví Rodríguez, Granxa Casa da Fonte
15.30 horas. Visita a Carballo Vivo e Traloagro.
Venres 24 de outubro
10.00 horas. Benvida ás xornadas
10.10 horas. Presentación da Escola de Pastors i Pastores de Catalunya. Laia Batalla
11.00 horas. Sesión interactiva: os retos do relevo na gandería
12.20 horas. Coloquio grupal
13.00 horas. Acto de nomeamento de sócios de honra
15.30 horas. Chandrexa de Queixa: lumes, xente e gando. Xaveir Fernández Arias
16.00 horas. Oportunidades da gandería extensiva no futuro. Román Sánchez. A Carqueixa
16.30 horas. O papel dos concellos no dinamismo rural. Fundación Terreo. Roberto Fernández
17.00 horas. A EPSE: unha vía de entrada no sector agrogandeiro. Benigno Ruiz e Brais Vázquez.
17.30 horas. Peche das xornadas
