Como xa fixeran no verán, son os equipos de base os que abren o I Torneo de Nadal de fútbol sala que se celebra no pavillón municipal de Calabagueiros, no Barco de Valdeorras.
Así, na tarde deste venres 26 de decembro compiten 12 equipos de categorías inferiores en partidos de 10, 12 e 15 minutos. Os primeiros eran os benxamíns (do Vianariño, A Rúa e O Barco) e de seguido era a quenda dos alevíns (do Vianariño, WolfStrike FS, Tres Cuñados e A Rúa).
Os últimos, a partir da seis da tarde serán os infantís de cinco equipos (Vianariño, Tres Cuñados, A Rúa, O Barco 1 e O Barco 2).
E xa a partir das 21 horas comezará o torneo sénior con outros 12 equipos. Hoxe haberá cinco partidos de grupos, ata as 2 da madrugada; e mañá sábado 27 de decembro o resto a partir das 10 horas, con partidos cada hoara ata a medianoite coas finais.
Fotos e vídeo: Mónica G. Bellver.