O Clúster da Pizarra de Galicia reunía a empresarios vinculados a esta pedra natural, familiares, colocadores e tamén aos concellos nos que se produce nun evento moi especial: a gala dos I Premios Pioneiros da Lousa, que se desenvolvía no Complexo Hostaleiro Paladium de Vilamartín, contando tamén coa presenza de diversas autoridades, de responsables do sector empresarial da provincia e da comarca, así como de representantes do mundo sindical, do deporte, do ensino e da cultura.
Tras a entrega de galardóns tiña lugar un xantar de confraternidade coa asistencia dunhas 200 persoas. Nesta galería achegamos un resumo en imaxe dos asistentes a esta celebración.
Fotos: O SIL.
