Os pintores Miguel Karballo e Sula Repani expoñen na CEO

A Confederación Empresarial de Ourense presentaba na mañá do xoves 27 de outubro a exposición dos pintores Miguel Karballo e Sula Repani, que colgan 46 obras (23 de cada un deles), nos que amosan unha visión xeral da súa traxectoria creativa. No caso da obra de Karballo, o artista quixo plasmar “a saudade de persoas e realidades desaparecidas; a etapa onírica ou de ensoñación e a última etapa, na que destacan espazos harmoniosos, paisaxes que fan sentir o desexo do pintor de se ver lonxe da enfermiza realidade”, dixo. En canto ao traballo de Sula, este destaca a presenza da súa Grecia natal, “a luz grega, as illas e o mar”.