“A nosa Lei de Leis, que é a nosa Constitución, trouxo paz, convivencia, sosego, temperanza, solidariedade, xustiza e respecto” e “ben merece seguir sendo defendida, porque é de todos e para todos”. Así o destacaba o subdelegado do Goberno en Ourense, Roberto Castro, no discurso que pronunciaba no acto de conmemoración do 37º aniversario da Constitución española, que reunía a diferentes autoridades o 6 de decembro no Auditorio Municipal de Ourense.
Ademais no decurso desta celebración tiña lugar a entrega de diplomas e premios aos ganadores da XXXVII edición do concurso escolar sobre a Constitución, convocado pola Subdelegación baixo o lema “Das Cortes Xerais”. Houbo tamén unha serie de distincións “para os persoeiros e entidades aos que hoxe quixemos recoñecerlle o seu labor exemplar a prol do servizo á cidadanía. Gratitude e compracencia para todos”, sinalaba o subdelegado do Goberno.
Máis información e fotos na vindeira edición en papel do Periódico O Sil