O vindeiro domingo 6 de xullo en Parada de Sil conmemorarase o Día Mundial do Cacao na Casa do Chocolate de Teimende. Este museo acollerá unha xornada de portas abertas con degustación de chocolate e bica, xunto cunha visita guiada totalmente diferente, baixo o lema: “O cacao, dende a selva ata o espazo”.
Como este día as entradas á Casa do Chocolate serán gratuitas “pregamos reservar no 689683713 ou no email turismo@paradadesil.es porque a plataforma de reservas está desactivada para que os visitantes non paguen”, explican dende a Oficina de Turismo de Parada de Sil.
O horario das visitas guiadas será o seguinte: ás 11.00 / 12:00 / 13:00 / 17:00 e 18:00 horas.
