As festas de verán na Rúa comezan esta noite co XIII Encontro de Pinchadiscos na rúa Doutor Vila coa presenza, entre outros de Rafa Torres, pero será mañá cando inicie a programación municipal, con pasarrúas pola vila e as actuacións musicais e atraccións, xa no Aguillón.
E por segundo ano consecutivo, co fin de facilitar o acceso e aparcamento, dende o Concello elaboraron un plan de tráfico na zona, indicando os accesos para coches e peóns, os lugares nos que se desenvolverá cada actividade e os aparcadoiros habilitados.
