O persoal do Centro de Saúde de Chandrexa de Queixa retomaba na tarde do 10 de xuño as súas “pílulas saudables”. Nesta ocasión facíao coa Ruta Circular San Cristovo, que se realizaba entre as 17.00 h. e á que estaba convidada a veciñanza de todas as idades.
Esta actividade forma parte do proxecto gañador da IV Bolsa de Medicina Rural da Asociación de Médicos Galegos (Asomega) e da Sociedade Española de Medicina Xeral (SEMG): “Plan de Actuación Integral Saúde Natural do Macizo Central: Manzaneda-Chandrexa de Queixa”. A iniciativa desenvólvena de xeito coral persoal médico, de enfermería e nutrición dos Centros de Saúde de Manzaneda e Chandrexa de Queixa, xunto a profesionais destes concellos; o Centro de Educación Infantil e Primaria de Manzaneda; as Casas do Neno de ambos municipios; asociacións de mulleres rurais locais e o titular da farmacia de Manzaneda.
Fotos e vídeo cedidos.
