No marco da celebración do Día Mundial de Hixiene de Mans, o 5 de maio, o Servizo de Medicina Preventiva e a Área de Calidade da Dirección de Enfermaría da Área Sanitaria entregaban o Diploma do premio “Mans de Ouro” á unidade de hospitalización con mellor adherencia ás boas prácticas na hixiene de mans. Correspondíalle á sexta planta Norte de Medicina Interna do CHUO no día mundial da hixiene de mans.
Tamén eran entregados nos hospitais de Valdeorras e Verín. Así no hospital valdeorrés, o Premio “Mans de Ouro” para a Unidade Azul do Hospital de Valdeorras por ser a unidade de hospitalización con mellor adherencia das prácticas de hixiene de mans neste centro.
No Hospital de Verín o Premio “Mans de Ouro” para a unidade Verde deste centro por ser a unidade de hospitalización con mellor adherencia das prácticas de hixiene de mans.