Esta mostra será organizada por quinto ano consecutivo polo Barco CCA en colaboración co Concello do Barco
A directiva do Barco Centro Comercial Aberto (CCA), que preside Ángel Álvarez, presentaba na mañá do 7 de agosto o programa da quinta edición do Mercaberto,que se celebrará os días 23 e 24 de agosto no Paseo do Malecón da vila. Trátase dunha mostra de oportunidades e ofertas que contará coa participación de 15 expositores dos sectores da confección, calzado e complementos, entre outros.
O programa inclúe tamén actividades para todos os públicos como o concerto de Sito Trío (o día 23 de agosto ás 22h.) e un descenso en tirolina (mañá e tarde do sábado 24 de agosto).
Texto: A.R. Fotos: Carlos G. Hervella