A localidade barquense de Viloira pecha hoxe as festas da Octava do Corpus. Tras dous días de celebración, no mediodía deste domingo 14de xuño tiña lugar a súa misa solemnse, seguida da tradicional procesión, encabezada polas nenas e nenos que hai uns días recibían a súa Primeira Comuñón. Durante este percorrido relixioso soaba a música dun grupo de gaitas da Rúa.
A festa continúa coa sesión vermú, a cargo do ex-cantante da Orquestra Panorama, Jorge Ferre; e xa pola tarde o broche de ouro a cargo da Orquestra Solara, que actuará a partir das 20:30 horas para despedir as festas por todo o alto.
Fotos e vídeo: Mónica G. Bellver.