Cupa Stone, referente no sector da pedra natural, participará en Stonegal 2026, o principal evento da Península Ibérica dedicado á pedra natural, onde dará a coñecer as súas propostas en materia de innovación e deseño.Ramilo é a fábrica máis consolidada de Cupa Stone e pioneira na industria do granito español, desde a súa extracción aos seus acabados.
“Ramilo é a fábrica máis consolidada de Cupa Stone e pioneira na industria do granito español, desde a súa extracción aos seus acabados. Hoxe, segue á vangarda da industria, impulsada por maquinaria avanzada que mellora a eficiencia e o rendemento de calquera acabado para todo tipo de proxectos”, segundo explica a compañía.
O encontro, que se celebrará do 17 ao 19 de xuño en Vigo, reunirá a empresas, profesionais e expertos internacionais vinculados á pedra natural, a arquitectura, o deseño e a planificación urbana. A cita consolídase como un punto de encontro estratéxico para fomentar o intercambio de coñecemento, xerar novas oportunidades de negocio e promover colaboracións entre os principais actores do sector.
Neste contexto, Cupa Stone exhibirá as súas novidades na caseta 06D1/06D3, onde os asistentes poderán descubrir de primeira man algunhas das súas marcas máis recoñecidas, como TERRA e Stonepanel®️, así como mergullarse no universo do granito da compañía e coñecer as últimas tendencias en pedra natural e solucións arquitectónicas.
Coa súa participación en Stonegal 2026, consolidan a súa “posición como compañía líder no sector dando continuidade ao seu crecemento tanto no mercado nacional como no internacional”.