O xerente da Área Sanitaria de Ourense, Verín e Valdeorras, Santiago Camba Bouzas, e a directora do Distrito Sanitario de Verín, Guillermina Agulla Budiño, mantiñan unha xuntanza cos xefes de servizo, supervisoras de enfermaría e persoal de servizos xerais do Hospital Público de Verín para facerlles chegar o agradecemento aos profesionais do Distrito Sanitario de Verín, tanto de atención primaria como de hospitalaria, que fixeron posible garantir unha asistencia de calidade durante o pasado verán.
Asemade informaban ao persoal sanitario presente das próximas actuacións para a posta en marcha do novo servizo de urxencias e PAC de Verín que supuxo un investimento de 4,5 millóns de euros e contará con novos espazos máis modernos, confortables e accesibles para os pacientes e profesionais.