Mañá, 16 de xullo, terá lugar no Salón de Actos do Edificio Multiusos do Concello do Barco (terceiro andar), unha reunión informativa convocada pola Plataforma Dereito ao Tren.
Esta plataforma solicitou a colaboración do Concello do Barco, co fin de “reunir apoios cara a por en marcha medidas de presión para lograr a restitución das paradas do tren de alta velocidade na estación da Gudiña”, adiantan.
Esta xuntanza será aberta para quen queira asistir e previamente, ás 20 horas haberá unha xuntanza con diferentes asociacións e organizacións. No caso concreto de AEVA e o Centro Comercial Aberto O Barco entregáronlles unhas follas de reclamación para que as distribúan nos negocios “e que poidan ser asinadas polos clientes”.
