Neste domingo 12 de maio celebrábase a Romaría na honra ao Cristo da Ascensión no Santuario de Prada (A Veiga) coa presenza de numerosos veciños desta localidade, pero tamén doutros puntos da comarca de Valdeorras.
A partir das 13h. comezaba a procesión coas imaxes do Cristo da Ascensión e da Virxe das Dores, arredor do santuario acompañadas co son da charanga Támega. Despois dábase paso á misa e, seguidamente, os veciños desfrutaban dunha xornada de romaría no exterior desta fermosa construción relixiosa.
Fotos e vídeos: Ares Pérez.