Son xa doce días seguidos os que levan baixando os casos activos de Covid-19 na provincia. Así a Área Sanitaria de Ourense, Verín e O Barco conta con 1.886 pacientes con infección activa, 105 menos que onte, segundo os últimos datos, actualizados ás 18h. do 9 de febreiro, e publicados esta mañá pola Consellería de Sanidade. Por contra, soben os novos casos confirmados por PCR nas últimas 24 horas, un total de 72 (fronte aos 34 de onte).
Ademais nesta xornada descenden os ingresos, hai 148 persoas hospitalizados en planta (3 menos que onte) e 18 na Unidade de Coidados Intensivos (2 menos que onte). O Hospital de Valdeorras rexistra 13 ingresos de pacientes en planta (1 máis que onte), sendo o único público da área sanitaria que segue medrando en número de hospitalización.
Por outra banda, o Hospital de Verín baixa a 5 ingresos (3 menos onte) e o Hospital Universitario de Ourense ten 125 en planta (3 menos) e 18 na Unidade de Coidados Intensivos (2 menos que onte). Finalmente, a Clínica Santa Teresa mantén 3 ingresos en planta e o Centro Médico El Carmen 2.
O total de casos rexistrados ata o de agora na provincia ascende a 14.099, con 11.827 curados e 386 falecidos (5 máis que onte). Polo de agora lévanse realizado 191.207 probas PCR e 94.496 probas serolóxicas.
