As pistas de atletismo de Calabagueiros (O Barco) acollían na tarde deste 13 de abril a segunda xornada de Xogade coa participación de numerosos atletas do oriente ourensán das categorías alevín, benxamín, infantil. Entre eles estaban os do Club Adas Cupa do Barco, o Atletismo Rúa, as Escolas Deportivas da Rúa e as Escolas Deportivas de Trives.
O programa deportivo comezaba co 4×80 ml e continuaba con probas como 1km e 2 km marcha, o salto de altura, os 80 mv, lanzamento de pelota, etc. Ademais nestas mesmas pistas barquenses desenvolvíanse un control de marcas, o segundo de abril no Barco.
Fotos: A.R.
