Cunha lembranza moi especial á grave vaga de incendios que asolaba Valdeorras a mediados de agosto arrancaba a XIX Andaina de Outono do Barco, na mañá deste domingo 9 de novembro. O presidente do Club Peña Trevinca Barco (organizador da proba co Concello), Miguel de la Cal, anunciaba, rodeado de boa parte da súa directiva, unha sorpresa: un agasallo, unha foto e unha canción.
Comezaban a abrirse unha serie de caixas e entre os participantes repartíanse toallas cunha impactante imaxe de lume do pasado verán na zona e cun lema “Non máis lumes”. Despois, o presidente do club pedía que todos as levantasen mentres soaba a voz de Amancio Prada interpretando o poema “Adiós ríos, adiós fontes” de Rosalía de Castro, que remataba entre aplausos.
Despois dese xesto simbólico, Miguel de la Cal daba daba a saída desta nova edición da andaina.
Fotos: A.R.
Vídeos: O SIL.
