O CIFP A Carballeira – Marcos Valcárcel de Ourense convertíase na tarde do 1 de marzo en escenario dun simulacro de excarcelación de accidentados de tráfico, que contaba coa colaboracion de bombeiros, Inorde e Tesgalicia.
Todos os participantes no simulacro practicaron as distintas técnicas de atención a accidentados de tráfico e protocolos de actuación en cada caso. Este iniciativa forma parte do Plan de Formación do Profesorado de Formación Profesional “Aplicación de técnicas de realidade aumentada na realización de simulacros” no que colaboran o profesorado do curso de especialización de videoxogos e realidade virtual e os do ciclo de Emerxencias Sanitarias.
Con esta actividade alumnado e profesorado puideron achegarse á realidade da atención a vítimas de tráfico e saber como é a colaboracion entre os distintos corpos que atenden estas situacións.
Fotos cedidas.
