Dobre cita lúdico-deportiva no concello de Vilamartín de Valdeorras para este mes de xullo, da man do CD Córgomo Vilamartín.
Do 11 ao 13 de xullo celebrarase unha nova edición do torneo de fútbol 7 ‘O Camiño de Inverno’ no campo de O Bañadoiro, en Vilamartín; e na seguinte fin de semana unha nova iniciativa enogastronómica.
A I Ruta das Airas terá lugar o sábado 19 de xullo en Córgomo, cun percorrido pola localidade que comezará ás 20 horas e na que se poderán degustar viños da DO Valdeorras e petiscos variados. A entrada custará 15 euros anticipada e 18 en taquilla, e incluirá cunca e pulseira. A ruta estará amenizada musicalmente por charangas e djs.
