No mediodía deste xoves 12 de febreiro unha persoa era trasladada en helicóptero tras ser rescatada nunha zona de difícil acceso no Barco de Valdeorras.
Tal como indican dende o 112 Galicia, arredor das 13:15 horas, un particular contactaba con eles para informar de que “un compañeiro comezou a atoparse indisposto mentres baixaban do miradoiro das Tres Marías por unha pista, na parroquia de Forcadela e Nogaledo. Era unha zona de difícil acceso”.
Con esta información desde a Sala de Operacións do 112 Galicia informaban ao Servizo de Urxencias Sanitarias de Galicia-061, “que mobilizou o helicóptero de Ourense ata un lugar próximo ao que se atopaba a vítima”. Tamén acudiron os Bombeiros e o GES de Valdeorras, a Garda Civil e a Policía Local.
“A vítima era evacuada ata un campo de fútbol próximo, onde agardaba o helicóptero para trasladala”, conclúen dende o 112.