A Unión Médica e Facultativa (UMYF) vén de comunicar a súa decisión de aprazar o inicio da folga indefinida de médicos e facultativos, prevista para o 28 de outubro, tras a convocatoria de eleccións xerais e a disolución das Cortes. O aprazamento, din, “non supón a desconvocatoria da folga nin a paralización da mobilización: UMYF realizará actos e accións de protesta co obxectivo de situar as reivindicacións médicas no centro do debate político”.
UMYF rexistró a semana pasada formalmente a convocatoria de folga indefinida e estaba decidida a iniciar esta mobilización “ante a falta de resposta ás reivindicacións de médicos e facultativos. Con todo, coas Cortes disoltas e un Goberno en funcións, non existe actualmente un interlocutor con capacidade para negociar e asumir compromisos que permitan avanzar cara a un Estatuto Médico e Facultativo propio. Por iso, UMYF apraza o inicio da folga indefinida ata que exista un novo Gobierno con plena capacidade para negociar”, asegura esta entidade.
Os médicos e facultativos consideran que, “no actual escenario político, é más oútil manter a mobilización e trasladar as súas reivindicacións ao debate electoral”. Ademais, UMYF reclama “a todas as formacións políticas que concorran ás eleccións que se pronuncien de forma clara sobre o futuro da profesión médica e facultativa e incorporen aos seus programas o Estatuto Médico e Facultativo e as principais demandas do colectivo. O próximo Goberno tendrá que responder ás demandas da profesión médica e facultativa. De non facelo, a resposta volverá a estar nas rúas de todo o país como se vén demostrando nos oúltimos meses”.