Entre as datas do Entrudio vianés hai unha reservada aos máis xoves. Trátase do Luns de Entrudio, 16 de febreiro, unha xornada que comezará cun “enorme Fulión Miúdo” a partir das 16:30h. dende a rotonda do Boteiro de Viana do Bolo. Percorrerá a vila ata rematar na praza Maior.
Unha vez alí, están previstos xogos, bailes, música e animación e, ao remate, unha chocolatada para todos. Ademais dende o Concello lembran que o cartel deste ano, “Desde Viana para o mundo”, é obra de Anxo Diéguez Guerra, gañador da 1ª edición do “Concurso Cartel do Entrudio Infantil 2026”.