Pouco antes das 20:30 horas deste mércores 25 de xuño un grupo de menores contactaba co 112 Galicia para informar de que se perderan mentres camiñaban pola contorna do río Mariñán, en Xagoaza (O Barco). “Afortunadamente, ningún deles estaba ferido”, segundo indicaba o 112 Galicia.
Desde o Centro Integrado de Atención ás Emerxencias activouse un operativo de busca no que participaban a Garda Civil, a Policía Local e a Agrupación de Voluntarios de Protección Civil do Barco de Valdeorras.
Os menores foron localizados e recollidos pola Policía Local, segundo a última información actualizada polo 112 Galicia.