Na mañá deste venres 27 de marzo os bombeiros tiñan que intervir nun incendio no baixo dun edificio no Paseo do Malecón do Barco de Valdeorras.
O local, ocupado por unha asesoría, está ao lado da oficina de Correos, sendo o seu persoal o que informaba de gran cantidade de fume arredor das 8:15 horas, cando daban aviso ao 112 Galicia.
Ata o lugar desprazábanse membros do GES Valdeorras, da Garda Civil, da Policía Local e do parque de bombeiros que, por precaución, desaloxaban temporalmente o edificio. Ata o lugar tamén acudía a tenente alcalde do Barco, Margarida Pizcueta.
Arestora, tanto as dependencias de Correos como as da asesoría permanecen aberta para a súa ventilación.
Fotos: Carlos G. Hervella.