O filme “Camino negro”, dirixido por Luisje Moyano e baseado na obra de Luisa Picardo, no que a vida de Javier Rodríguez Sotuela, veciño de San Pedro (Ribas de Sil), como cura de Matarrosa del Sil, xoga un papel protagonista, acadou nada menos que 17 nomeamentos aos Premios Goya 2026.
A película, ambientada na época da ditadura na comarca mineira do Bierzo, foi proxectada o pasado 7 de decembro en San Clodio, cun acto moi especial que contou coa presenza de Javier R. Sotuela, da autora da novela e do director do filme.
Javier Rodríguez Sotuela, hoxe secularizado e con 92 anos, disfruta da vida na casa que o viu nacer, en San Pedro, en Ribas de Sil. Alí quedan moitos recordos desta historia. Unha placa no exterior da súa casa lembra o orgullo do seu pobo pola valentía que amosou defendendo aos máis débiles, como se amosa no filme.
Desde o Concello de Ribas de Sil queremos dar os nosos parabéns a todo o equipo por unha historia tan dura como necesaria, maxistralmente levada á pantalla grande.