Unha delegación andaluza coñecía este venres a tradición olivareira de Quiroga, no marco dunha visita a distintas iniciativas de apoio ao desenvolvemento rural. Esta zona do sur lucense produce e envasa en Galicia, polo que o seu aceite é 100% autóctono.
Neste sentido, o conselleiro do Medio Rural, José González, que tamén participaba na visita, valoraba positivamente a produción quiroguesa, acreditada pola súa singularidade por varios centros de investigación, así como a aposta por valorizar os produtos autóctonos e tradicionais.
