A praza Enriqueta Casanova de Fontei, na Rúa, é o centro neurálxico da II Convivencia Escolar de Valdeorras organizada pola Fundación Florencio Delgado Gurriarán que reúne a uns 300 escolares da Rúa, O Bolo, Vilamartín e O Barco divididos en cinco grupos, hoxe e mañá en horario de 10 a 15 horas.
Dinamizada pola Asociación Cultural Nadel na convivencia realizaranse actividades relacionadas con 2 personaxes históricos da comarca: Florencio Delgado Gurriarán e Corona González Estévez, en diferentes puntos do barrio.
Para esta primeira xornada está prevista a visita dos alcaldes da Rúa, María González Albert; do Barco de Valdeorras, Aurentino Alonso; de Vilamartín de Valdeorras, Sherezade Núñez; de Petín, Raquel Bautista; e do Bolo Miguel García; ademais da concelleira de Cultura do Barco de Valdeorras, Margarida Pizcueta e da xerente da Fundación FDG, Débora Álvarez.
Fotos: Mónica G. Bellver