“En Viana do Bolo os meses de xullo e agosto chegan cargados dunha ampla programación cultural e de lecer para desfrutar en familia, con amizades ou ao teu aire”. Así o sinalan dende o Concello de Viana, que vén de dar a coñecer a ampla programación cultural que se desenvolverá no municipio nos diversos meses. Inclúe propostas como música en directo, actividades deportivas, teatro, maxia, exposicións, actividades infantís, contacontos e “moitas propostas máis para todos os gustos e todas as idades”.
