Tras o éxito de convocatoria da primeira edición, con máis de 200 usuarios, O BarcoVerán volve con forza neste 2026 xestionado polo CD Barco coa colaboración de Ocio y Deporte Valdeorras.
Trátase dun completo modelo de campamento multideportivo e de ocio para os meses de xullo e agosto, que se desenvolverá en Viloira (pavillón cuberto, aula para manualidades e talleres, patio ao aire libre con protección o sol, campo de fútbol, zona de marxe do río, parque infantil…) con saídas e actividades ao aire libre como rutas, días de piscina ou río,…
O horario será de 10 a 14 horas seguindo a metodoloxía o Vilaverán e inclúe actividades temáticas, talleres e material (castelos inchábeis e deportivos), tiro con arco, karts, paintball, actividades de auga, scape room, rocódromo, veladas e festas temáticas,… Un sinfín de propostas que fan deste un dos campamentos máis esperados. De feito, en menos de cinco minutos da apertura das inscricións “xa había 38 apuntados”, di o presidente do CD Barco, Nilo Ramos.
