A Federación Galega de Voleibol vai desenvolver, un ano máis, o seu Campamento de Voleigalego en Quiroga. Esta iniciativa, aberto a xogadores e xogadoras nacidos entre 2009 e 2013, de todos os niveis de experiencia, ofrece adestramentos específicos e actividades relacionadas co voleibol para mellorar tanto as habilidades técnicas como as tácticas, físicas e sociais dos participantes. Ademais dos adestramentos diarios, haberá competicións internas e actividades de lecer como sendeirismo e deportes acuáticos.
Nesta cuarta edición contarase novamente con tres quendas a primeira delas do 19 ao 26 de xullo, a seguinte entre o 26 de xullo e o 2 de agosto; e a terceira quenda do 2 ata o 9 de agosto.
O prezo base da actividade é de 560 € por quenda; pero, tras as xestións da área de Deportes, concedéuselle aos rapaces e rapazas quiroguesas a oportunidade de participar sen ter a obrigatoriedade do aloxamento polo que o prezo para eles queda reducido a 250€.
As inscricións están abertas ata o 30 de xuño. Para formalizar a praza, debe cubrirse o formulario de rexistro e enviar o comprobante de pago ao correo dtecnico@volei.gal, onde tamén se atenderá calquera dúbida.