Poesía, música e algunha que outra dose de humor. Xoán Curiel presentaba esta tarde no Barco o seu espectáculo para público familiar “Cantando as nosas Letras” na Biblioteca Florencio Delgado Gurriarán no Barco. Nesta actuación estaba ademais acompañado pola poeta Iris Gey, que é ademais docente nun centro de ensino valdeorrés, o CPI Tomás Terrón Mendaña de Sobradelo (Carballeda de Valdeorras).
Este concerto estaba incluído no programa das Letras Galegas do Barco e forma parte do programa “Ler conta moito”.
Fotos: A.R./ Cedidas.