Este 20 de agosto ten sido unha “xornada de relativa calma” en Quiroga, tal e como vén de informa o Concello. “Tras a situación extrema que se viviu onte pola noite en Bendollo e Centeais, o lume avanzaba esta mañá cara as devesas do Montouto en Outeiro. Desde primeiras horas podíase ver como un gran operativo de maquinaria pesada e motobombas chegadas desde todos os distritos emprendían viaxe cara esta zona. Un monte que ardía a pouca velocidade, dado que a masa forestal, na súa maioría son castiñeiros e monte raso”.
O máis importante para os veciños do lugar, destaca tamén o Concello, “era a axuda dos medios aéreos que traballaron durante esta xornada incansablemente traendo a tan ansiada auga, que de momento, aínda parece lonxe que nos chegue do ceo”.