O salón de plenos do Concello de Parada de Sil acollía a presentación do libro libro “Queda moito que sachar”, que forma parte da triloxía que o escritor Xosé Manuel del Caño fixo sobre grandes artistas e escritores da literatura galega. Os outros dous volumes son Un tiro para Méndez Ferrín e outras historias e Osos de Santo. Os tres publicados por Edicións Embora do Ferrol.
O acto tamén contaba coa presenza do xornalista Lalo Pavón, do alcalde de Parada de Sil, Aquilino Domínguez; e do concelleiro de Cultura, Paco Magide.
No primeiro volume, “Un tiro para Méndez Ferrín e outras historias”, narra unha situación surrealista na casa de Ánxel Fole, no ano 1986: “Un amigo pediulle a outro que lle pegara un tiro, cunha pistola que tiña agachada, si o vía nunha situación semellante á que acababan de vivir”. Sen desvelar máis aspectos sobre ese encontro, pola necesidade de ir ao libro para ler con calma o que alí pasou. Os tres volumes falan sobre a fascinación que sinte X. M. del Caño por grandes autores da literatura galega e artistas, despois de convivir con eles durante catro décadas. Axudan a que o lector poida coñecer máis a fondo como son ou como eran, dende o punto de vista humano, “tocarlle a pel e sentarse á súa mesa”.
O terceiro volume, “Queda moito que sachar. A literatura galega nunha caixa de zapatos”, del Caño, rememora “tempos heroicos, nos que se fixo todo, con case nada”. Había “unha grande precariedade de medios”.
Fotos cedidas.
