Emilio Rúa presenta o seu quinto disco en Santiago

Será no marco dun concerto que o cantautor ourensán dará o 15 de xaneiro no Salón Teatro da cidade compostelá

En “Destino Sur”, Emilio Rúa déixase levar polas influencias da música folk, country ou blues americana. Este é quinto álbume deste cantautor natural de Riós, un proxecto que inclúe temas inéditos propios en galego, pero tamén versións doutras cancións neste mesmo idioma. É o caso de cancións tan coñecidas como “La chica de ayer” (A moza de onte) e “Somwhere over the rainbow” (Nun lugar do Arco da vella).

Rúa presentará o seu último disco o vindeiro 15 de xaneiro no Salón Teatro de Santiago de Compostela, nunha actuación que será presentado polo actor Carlos Blanco.

Neste novo traballo colaboran tamén co cantautor artistas como o gaiteiro Xosé Manuel Budiño, o cantautor leonés Fabián ou a eurovisiva Lucía Pérez.