Con verbenas e bailes, pero tamén con outras propostas como actividades infantís, un xantar popular ou un torneo de petanca celebrará a veciñanza do barrio barquense do Chao a súa VII Romería na honra de San Pablo entre os días 28 e 30 de xuño.
O programa comezará o día 28 de xuño ás 20h. con inchables e, a partir da medianoite, con verbena a cargo de Opium Discomóbil e Dj Israel. Ao día seguinte, 29 de xuño terá lugar ás 11h. un torneo de petanca, de novo hincables de balde ao longo da mañá, e ás 13h. a misa de campo na honra a San Pablo. Posteriormente, ás 14:30h. darase paso ao xantar popular. Ás 21h. haberá baile con discomóbil ememusic e logo verbena.
O 30 de xuño tamen haberá inchable para os nenos pola mañá e pola tarde e ás 20h., baile coa orquestra Costa Dorada.
