Noite tráxica nas estradas galegas cun balance de dúas vítimas mortais e catro feridos graves, segundo informan dende o 112 Galicia.
Un deles tiña lugar na OU-301 (km 4 sentido Bande), ao seu paso por Lamas, en Xinzo de Limia onde cara as 03:53 horas deste domingo 3 de novembro un turismo saíase da vía, resultando “falecido o seu condutor veciño de Rairiz de Veiga”, segundo indican dende a Garda Civil, indicando que a “acompañante, veciña de Xinzo de Limia, resultaba ferida grave sendo trasladada ao CHUO”.
Para liberar os ocupantes, dende o 112 Galicia avisaban aos Bombeiros de Xinzo. Tamén interviñan os profesionais de Urxencias Sanitarias de Galicia-061 e os axentes da Policía Local e Garda Civil de Tráfico.