Continuando co proxecto de posta en marcha por parte da Dirección Xeral da Policía dos denominados Puntos de Actualización do DNI Securizado (PADs Securizado), instaláronse catro terminais en concellos da provincia de Ourense nos que a Policía Nacional non ten Unidades de Documentación permanentes, permitindo así o acceso á administración pública á cidadanía residente nestes núcleos urbanos.
Este proxecto financiado polo “Plan de Recuperación, Transformación e Resiliencia – Financiado pola Unión Europea – Next Generation UE”, pretende achegar a Administración e brindar un servizo máis accesible á cidadanía, facilitando xestións que, ata o de agora, requirían o desprazamento a outras localidades.
O día 29 de xaneiro levo a cabo a posta en marcha do terminal instalado no Concello de Allaríz, o día 30 quedou inaugurado o de Xinzo de Limia, e no día de onte, 3 de febreiro, iniciaron a súa actividade os terminais do Carballiño e Celanova. A posta en marcha dos distintos terminais contou coa presenza dos respectivos Alcaldes e Tenentes de Alcaldía dos citados concellos así como do Comisario, Xefe Provincial de Ourense.
Á posta en servizo destes catro PADs hai que sumar a existencia de tres máis que xa se atopaban situados en dependencias da Comisaría Provincial de Ourense, dúas na Unidade de Estranxeiría e Documentación de Verín e un máis instalado na Unidade de Documentación do Barco de Valderorras. Os dez dispositivos atópanse operativos e ao dispor do cidadán.
Os PAD atópanse habilitados para a renovación dos certificados electrónicos, mediante a presenza física do titular do documento e comprobación da identidade do mesmo a través da lectura da súa tarxeta e os persoais biométricas (impresións dactilares), capturadas durante o anterior proceso de expedición do DNI, mediante o cal se poderá levar a cabo de forma autónoma, o procedemento de renovación dos seus certificados electrónicos ou realizar o cambio do contrasinal de acceso. Esta actualización realízase de forma voluntaria, gratuíta e por iniciativa do propio cidadán.
Coa posta en marcha dos citados preténdese que de forma inmediata prodúzanse unha serie de beneficios para a cidadanía:
• Comodidade: Poderanse realizar trámites, tales como renovar as claves e Certificados do DNI directamente no seu propio Concello, evitando desprazamentos innecesarios.
• Aforro de Tempo: Ao eliminar a necesidade de viaxar a outras cidades, redúcese o tempo dedicado a estas xestións.
• Maior accesibilidade: Os Puntos de Actualización de Documentación (PAD) estarán situados estratexicamente para garantir que toda a cidadanía teña acceso a este servizo.