Os diferentes elementos que configuran a máscara do Boteiro de Viana do Bolo, dende o cinto de esquilas e a pantalla ata a monca, así como a elaboración das caretas, do traxe e das súas diversas partes eran algunhas das singularidades que aprendía o alumnado do Colexio Divina Pastora do Barco o 18 de febreiro. Dous membros da Asociación de Fulións Rurais de Viana, Pedro e Pepe, desenvolvían unha charla sobre a máscara protagonista do seu Entroido.
Esta mesma actividade divulgativa desenvolvíase no colexio de Vilardevós. Ademais dende a semana pasada estase a impartir unha especie de obradoiro de elaboración das flores papel que adornan a pantalla dos Boteiros no CEIP Bibei de Viana, da man de Jorge Domínguez “Minas”.
Fotos cedidas.