Na memoria do deporte valdeorrés ten posto o foco dende hai anos o docente e investigador Julio Pérez Veiga. Froito do seu labor de procura en arquivos, hemerotecas e de entrevistas vía a luz a finais de decembro o libro “50 anos dan para moito. Historias do CD Barco” (Nós SC), centrado neste equipo de fútbol coincindindo coas súas vodas de ouro como entidade deportiva.
Agora, Pérez Veiga dá un salto máis e ábrese a algunhas das figuras destacas que ten dado Valdeorras no mundo do deporte en xeral nas últimas décadas nunha nova obra que presentará mañá, 6 de maio ás 20:30h. no Multiusos do Barco e o 7 de maio, á mesma hora, no Centro Cultural Avenida da Rúa. Este novo libro, tamén editado por Nós SC, titúlase “Historias do deporte valdeorrés”.
