No marco da Operación denominada “Jail”, no marco da loita contra o pequeno tráfico de drogas, liderada polo Grupo de estupefacientes da Brigada Provincial de Policía Xudicial de Ourense, procedeuse á detención de cinco persoas.
A investigación comezou o pasado mes de marzo do ano 2025, cando a través de diversas fontes policiais, ademais do importante labor de prevención de diferentes Unidades da Policía Nacional da Comisaría de Ourense e froito da colaboración cidadá, tívose coñecemento dun “Punto Negro”, de venda de cocaína, heroína e “Rebujao ou Rebujito” na zona centro de Ourense.
“Por mor das devanditas informacións, establecéronse os correspondentes dispositivos de vixilancia e xestións policiais, centrando o punto de venda nunha rúa do centro de Ourense, comprobando a gran afluencia de persoas de aspecto toxicómano que se achegan ás inmediacións do devandito punto, para obter a substancia ben de forma directa co vendedor na rúa, ou ben entregando o diñeiro a un dos vendedores na rúa e obtendo a substancia tras ser lanzada desde unha xanela da viviendaa un canellón, onde é recollida polo comprador”, segundo informa a Policía Nacional.
Tras varios meses de investigación, no día de onte, 10 de xuño, procédese á explotación a investigación, realizando un rexistro no domicilio, resultando 5 persoas detidas e incautando cocaína e diñeiro en efectivo, así como outros efectos relacionados co delito.
Así mesmo, a Policía Nacional sinala que “durante a devandita dilixencia policial, os investigados trataron de desfacerse da substancia estupefaciente lanzándoa a través da xanela cara a un edificio próximo, sendo recuperada do tellado do devandito edificio por membros do Grupo de Estupefacientes en colaboración cos Bombeiros da cidade de Ourense e da Policía Local”.
No dispositivo, liderado polo Grupo de Estupefacientes da Brigada Provincial de Policía Xudicial, participaron GOES, Guías Caninos da Xefatura Superior de Policía de Galicia, así como UPR e varias dotacións de seguridade cidadá pertencentes á Comisaría Provincial de Ourense.
Con esta operación policial, ademais de dar resposta a un dos obxectivos estratéxicos marcados polo Ministerio do Interior na loita contra o narcotráfico,dáse por pechado un importante punto negro de venda de droga situado no centro da cidade.
Durante a mañá de hoxe, unha vez practicadas todas as dilixencias policiais necesarias para o esclarecemento dos feitos, os detidos foron trasladados a sede xudicial onde quedaron ao dispor do Xulgado de Instrución de Garda. Sendo estes postos en liberdade.