Na noite do mércores 25 de xuño dúas persoas resultaban feridas (unha delas tiña que ser excarcerada) nunha unha colisión entre dous turismos en San Cristovo de Cea, tal e como informan dende o 112 Galicia.
O accidente tiña lugar pasadas as 21 horas no quilómetro 261 da N-525, sendo un particular quen explicou que “un dos condutores era incapaz de saír ao exterior porque a porta do seu coche estaba afundida. Minutos despois, unha das persoas implicadas contactaba tamén co centro de emerxencias e solicitou asistencia sanitaria tanto para ela como para o outro implicado”, explican dende o 112.
Os servizos de emerxencias chegaron con celeridade ao punto e comprobaron que “un dos condutores permanecía atrapado, polo que os Bombeiros do Carballiño encargáronse de liberalo empregando o seu material de excarceración”, explican, indicando que finalmente, ambos implicados eran trasladados en ambulancia a un centro hospitalario.
Neste operativo participaron Urxencias Sanitarias de Galicia-061, os bombeiros, a Garda Civil de Tráfico, a Agrupación de Voluntarios de Protección Civil de San Cristovo de Cea e os servizos de mantemento da estrada.