Coa chegada do mes de xullo arrincaba con gran éxito de convocatoria e ampla experiencia a primeira edición de O Barco Verán, un novo modelo de campamento multideportivo, xestionado polo CD Barco coa colaboración de Ocio y Deporte Valdeorras, que nacía neste 2025 tralas exitosas edicións do Vilanadal e Vilaverán.
Con máis de 200 usuarios nos meses de xullo e agosto, este novo campamento desenvólvese en Viloira (pavillón cuberto, aula para manualidades e talleres, patio ao aire libre con protección o sol, campo de fútbol, zona de marxe do río, parque infantil… “tendo a man calquera punto para as nosas saídas e actividades ao aire libre como rutas, días de piscina ou río”.
Contan con 10 monitoras e monitores, especializados en Educación Infantil e Primaria, técnicos deportivos e monitores de lecer e tempo libre que, en horario de 10 a 14 horas “pautan todos os días seguindo a mesma metodoloxía que o Vilaverán”, explica Gunty, e inclúe actividades temáticas, talleres e material (castelos inchábeis e deportivos), tiro con arco, karts, paintball, actividades de auga, slack line,…
Fotos cedidas.